ساعة واحدة وتصير بشرتك قشطة ...............

ساعة واحدة وتصير بشرتك قشطة

الـســـــــــــــــــلام عليـــــــــــــكم

اليوم راح اقولكم على الخلطة اللي فتحت بشرتي بعد معناة بس بشرط تتبعون

طريقتي بحذافيرها واللي راح تخربط ولو بشيء بسيط لا تقول الخلطة ما منها

فايدة .. خلونا نبدأ

حبة بطاطس متوسطة تسلقينها في ماء فقط لحد ماتنضج (بإمكانك تقطعيها على

اساس تنضج بسرعة)

بعدين حطيها بالخلاط مع حبة ليمون أصفر مع قشرتها مقطعه حلقات واضيفي

لها فنجال قهوة رز مصري مطحون وملعقة أكل خل تفاح وملعقتين شوفان

وأخلطيها زين و أضيفي لها من موية سلق البطاطا لحد ما تصير الخلطة

كريمية يعني لا خفيفة ولا ثقيلة و احتفظي فيها بالثلاجة

((((((((((( نجي لطريقة الإستعمال))))))))))

بخري وجهك بمغلي النعناع أو البقدونس أو الميرميه وحطي عليه مقشر اللي

يعجبك أنا استخدم المشمش وحطيه بشكل قناع وانتظري دقيقتين وابدأي افركي

بحركات دائرية خفيفة وبعدها أشطفي بموية مائلة للبرودة وامسحي بقطعة

ليمون ولا تخافي من اللسع راح يبرد و اتركيه يجف خمس دقايق بعدها أغسلي

بمويه باردة ومرري ثلجة ماء ورد وبكذا صارت بشرتك نظيفة آخر نظافة

هنا يجي دور القناع افرديه على بشرتك لمدة ساعة و اذا مستعجله ممكن

أقل بس لاتقل عن نصف ساعة وازيليه بماء دافئ وادهني بعدها بزيت

اللوز وربي يابنات خلال اسبوع الكل راح يسألك وش استخدمتي لبشرتك

وطبعا التنظيف تسويه مرة واحدة فقط كل اسبوع اما القناع يوميا لمدة عشرة يام

بعدها يوم ويوم لا لحد ماتصيرين تستخدميه مرتين فقط بالأسبوع

جربوه و أدعوا لي